येरवड्यातील सुधारगृहातील घटना, पाचजणांविरूद्ध गुन्हा
marathinews24.com
पुणे – सुधारगृहातील स्वच्छतागृह सफाई करण्यास नकार दिल्याच्या रागातून पाच अल्पवयीन आरोपींनी एका १७ वर्षीय मुलाला जीवे ठार मारण्याच्या उद्देशाने दोरीने गळा आवळून मारण्याचा प्रयत्न केला आहे. ही घटना १० जूनला सकाळी नउच्या सुमारास येरवड्यातील पंडीत जवाहरलाल नेहरू उद्योग केंद्रात घडली आहे. याप्रकरणी पाचजणांविरूद्ध येरवडा पोलीस ठाण्यात गुन्हा दाखल करण्यात आला आहे.
नात्याला काळिमा फासला, पत्नीवर बलात्कार करण्यास मित्रांनाच भाग पाडले – सविस्तर बातमी
सानू सत्येंद्र यादव (वय १७) असे जखमीचे नाव आहे. संतोष किसन कुंभार (वय ४९, रा. चर्होली, पुणे) यांनी तक्रार दाखल केली आहे.
पोलिसांनी दिलेल्या माहितीनुसार, तक्रारदार कुंभार हे पंडीत जवाहरलाल नेहरू उद्योग केंद्र सुधारगृहात वाहक म्हणून कामाला आहेत. १० जूनला सकाळी नउच्या सुमारास आरोपी अल्पवयीन मुलांनी सानू यादव याला स्वच्छतागृह साफ करण्यास सांगितले. मात्र, त्याने साफसफाईला नकार दिल्यामुळे आरोपींनी संगनमत करून सानूला सुधारगृहातील बराकीत गाठले. आरोपी अल्पवयीन मुलांनी त्याला बेदम मारहाण करीत शिवीगाळ केली. टॉवेलची किनारीची दोरी बनवून सानूचा गळा आवळून खूनाचा प्रयत्न केला.
त्याने आरडाओरड केल्यामुळे सुधारगृहातील कर्मचार्यांसह-अधिकार्यांनी धाव घेतली. याप्रकरणी आरोपींविरूद्ध गुन्हा दाखल करण्यात आला आहे. सहायक पोलीस निरीक्षक टकले तपास करीत आहेत.
