दोघेजण अटकेत
marathinews24.com
पुणे – तरुणावर तीक्ष्ण शस्त्राने वार करुन खुनाचा प्रयत्न करण्यात आल्याची घटना पुणे-सोलापूर रस्त्यावरील द्राक्ष संशोधन परिषदेसमोर घडली. याप्रकरणी मांजरी पोलिसांनी दोघांना अटक केली. गणेश नवनाथ कांबळे (वय ३३, रा. उंदरगाव, ता. करमाळा, जि. सोलापूर ) असे जखमी झालेल्याचे नाव आहे. कुणाल राहुल चौगुले (वय १८), सुरेश बाबुराव गायकवाड (वय १८, दाेघे रा. लोणी काळभोर, पुणे-सोलापूर रस्ता) यांना अटक करण्यात आली. त्यांच्याबरोबर असलेल्या एका साथीदाराविरुद्ध पोलिसांनी गुन्हा दाखल केला. याबाबत कांबळेने मांजरी पोलीस ठाण्यात फिर्याद दिली आहे.
तडीपार केल्यानंतर बिबवेवाडीत दहशत माजविणारा गुंड गजाआड – सविस्तर बातमी
पोलिसांनी दिलेल्या माहितीनुसार, २० एप्रिल रोजी रात्री पावणेबाराच्या सुमारास द्राक्ष संशोधन परिषदेसमोर मालवाहू टेम्पोचे चाक बदलण्याचे काम करत होते. त्यावेळी आरोपी दुचाकीवरुन तेथे आले. काही कारण नसताना आरोपींनी शिवीगाळ करुन कांबळे यांच्यावर तीक्ष्ण शस्त्राने वार केले. या घटनेत ते जखमी झाले. त्यांनी पोलिसांकडे तक्रार दिली. त्यानंतर पोलिसांनी तपास करुन चौगुले आणि गायकवाड यांना ताब्यात घेतले. पोलीस उपनिरीक्षक धनाजी टोेणे तपास करत आहेत.
