तरुणीचा मृतदेह रस्त्याच्या कडेला टाकून आरोप पसार
marathinews24.com
पुणे – ब्युटीपार्लरमध्ये काम करणाऱ्या तरुणीचा गळा आवळून खून केल्याची धक्कादायक घटना उडकीस आली. तरुणीचा मृतदेह रस्त्याच्या कडेला टाकून आरोप पसार झाला. या प्रकरणी मुंढवा पोलिसांनी गुन्हा दाखल केला. आफरीन सलीम पठाण (वय २९, सध्या रा. वडगाव शेरी) असे खून झालेल्या तरुणीचे नाव आहे. याबाबत आफरीनची लहान बहीण अरबिना सय्यद (वय २४, सध्या रा. वडगाव शेरी, मूळ रा. खुडुसवाडा, चिंचघर, जि. पालघर) हिने ठाण्यात फिर्याद दिली आहे.
दारू पितााना झालेल्या वादातून तरुणाचा खून – सविस्तर बातमी
पोलिसांनी दिलेल्या माहितीनुसार, आफरीन हिचा ब्युटी पार्लरचा व्यवसाय आहे. महिला ग्राहकांनी तिच्याशी संपर्क साधल्यानंतर ती घरी जाऊन ब्युटीपार्लरविषयक कामे करते. मंगळवारी (५ मे) सायंकाळी ती एका महिला ग्राहकाकडे कामाला गेली होती. तिचा मृतदेह मुंढव्यातील केशवनगर परिसरातील कचरा डेपोजवळ असलेल्या रस्त्यावर सापडला. नागरिकांनी याबाबतची माहिती पोलिसांनी दिली. पोलिसांनी घटनास्थळी भेट दिली. सुरुवातीला पोलिसांना अपघाताची घटना वाडली. वाहनाने तिला धडक दिल्यानंतर तिचा मृत्यू झाल्याची शक्यता व्यक्त करण्यात आली.
त्यानंतर तिचा मृतदेह शवविच्छेदनासाठी ससून रुग्णालयात पाठविण्यात आला. शवविच्छेदनात तरुणीचा गळा दाबून खून केल्याचे उघडकीस आले. पाेलिसांनी घटनास्थळाची पाहणी केली. केशवनगर कचरा डेपोजवळ असलेल्या रस्त्यावर सीसीटीव्ही कॅमेरे नाहीत. पोलिसांकडून आरोपीचा शोध घेण्यात येत आहे. गुन्हे शाखेचे अतिरिक्त पोलीस आयुक्त पंकज देशमुख, उपायुक्त विवेक मासाळ, सहायक आयुक्त राजेंद्र मुळीक, वरिष्ठ पोलीस निरीक्षक स्मिता वासनिक यांनी घटनास्थळी भेट दिली. पोलीस निरीक्षक सागर गोडे तपास करत आहेत.
