पोलीस भरतीसाठी आलेल्या तरुणाचा दुर्दैवी मृत्यू झाल्यानंतर वेळापत्रकात केला बदल
marathinews24.com
बीड (अनंत जाधव) – जिल्ह्यात पोलीस भरती प्रक्रिया दरम्यान पोलीस भरतीसाठी आलेल्या तरुणाचा दुर्दैवी मृत्यू झाल्यानंतर आता बीड पोलीस भरती प्रक्रियेत मोठा बदल केला आहे.दि. ११ फेब्रुवारीपासून पोलीस दलातील १७४ पोलीस शिपाई पदांकरीता पोलीस भरती प्रक्रिया पोलीस मुख्यालय बीड येथील मैदानावर सुरु झाली आहे.
पुण्यातील वेश्या व्यावसाय प्रकरणात गुन्हे दाखल – सविस्तर बातमी
बीड जिल्ह्यात सुरु असलेल्या पोलीस भरती प्रक्रियेअंतर्गत मैदानी चाचणी दि. १२ फेब्रुवारीपासून मैदानी चाचणी सकाळी नऊ वाजेपर्यंत पूर्ण करण्याचा प्रयत्न राहणार आहे. ज्या उमेदवारांची मैदानी चाचणी सकाळी नऊ वाजेपर्यंत होणार नाही, अशा उमेदवारांची मैदानी चाचणी सायंकाळी पाच वाजेनंतर घेण्यात येणार आहे. तथापि, सर्व उमेदवारांची मैदानी चाचणीची पूर्व प्रक्रिया पुर्ण करणे आवश्यक आहे. उमेदवारांची हजेरी नोंदणी, छाती मोजणी व उंची मोजणी ही प्रक्रिया सकाळच्या सत्रातच पूर्ण केली जाणार आहे. त्यामुळे सर्व उमेदवारांनी त्यांना प्रवेशपत्रावर दिलेल्या वेळेतच पोलीस मुख्यालय येथील मैदानावर हजर राहुन मैदानी चाचणीची पूर्व तयारी करुन घेणे आवश्यक आहे.
सायंकाळच्या सत्रात उमेदवारांचा वेळ वाया जाणार नाही. त्यामुळे उमेदवारांनी गोंधळून न जाता व मनात कोणतीही शंका न बाळगता प्रवेशपत्रावर दिलेल्या वेळेनुसार पोलीस मुख्यालय, बीड येथे उपस्थित राहावे, असे आवाहन बीड पोलीस प्रशासनाकडून करण्यात आले आहे.
