पावणेतीन लाखांचा ऐवज चोरी
marathinews24.com
पुणे – शहरातील बिबवेवाडी, कोंढवा परिसरात चोरट्यांनी दोन सदनिकांचे कुलूप तोडून सोन्याचे दागिने, रोकड, मोबाइल संच असा मुद्देमाल लांबविल्याची घटना उघडकीस आली. या प्रकरणी चोरट्यांविरुद्ध गुन्हे दाखल करण्यात आले आहेत. बिबवेवाडीतील रम्यनगनगरी हाऊसिंग सोसायटीत सदनिकेतून चोरट्यांनी मोबाइल आणि मनगटी घड्याळ असा ९१ हजार मुद्देमाल लांबविल्याची घटना सोमवारी (२७ एप्रिल) घडली. याबाबत एकाने बिबवेवाडी पोलीस ठाण्यात फिर्याद दिली आहे.
पुणे पोलिसांच्या तत्परतेमुळे ज्येष्ठाचा आत्महत्येचा प्रयत्न असफल – सविस्तर बातमी
पोलिसांनी दिलेल्या माहितीनुसार, तक्रारदार तरुणाने सोमवारी सकाळी सदनिकेला बाहेरुन कडली लावली. कामानिमित्त सोसायटीच्या आवारात तक्रारदार गेला. चोरट्याने संधी साधली. सदनिकेची कडी उघडून चोरटा घरात शिरला. चोरट्याने मोबाइल संच, महागडे घड्याळ असा मुद्देमाल लांबविला. पाेलीस हवालदार जाधव तपास करत आहेत.
कोंढवा परिसरातील शिवनेरीनगरमध्ये सदनिकेचे कुलूप तोडून कपाटातील रोकड आणि सोन्याचे बिस्कीट असा एक लाख ८० हजार रुपयांचा ऐवज लांबविला. याबाबत एकाने कोंढवा पोलीस ठाण्यात फिर्याद दिली आहे. तक्रारदार हे शिवनेरीनगरमधील महम्मद सैफ टाॅवर या सोसायटीत राहायला आहेत. चोरट्यांनी बंद सदनिकेचे कुलूप तोडून कपाटातून ऐवज लांबविल्याची घटना २५ एप्रिल रोजी उघडकीस आली. सहायक पोलीस निरीक्षक जाधव तपास करत आहेत.
