कोथरूड पोलीस ठाण्यात गुन्हा दाखल
marathinews24.com
पुणे – फ्लॅटचे कुलूप तोडून चोरट्यांनी ६ लाखांची रोकड आणि सोन्या-चांदीचे दागिने असा मिळून १७ लाख १० हजारांचा ऐवज चोरून नेला आहे. ही घटना २९ सप्टेंबर ते ७ ऑक्टोबर कालावधीत कोथरूडमधील पौड रस्ता परिसरातील परिवार सोसायटीत घडली आहे. याप्रकरणी ५१ वर्षीय तक्रारदाराने कोथरूड पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
टास्क पुर्ण करण्याच्या आमिषाने तरूणाला ६ लाखांचा गंडा – सविस्तर बातमी
पोलिसांनी दिलेल्या माहितीनुसार, तक्रारदार हे पौड रस्ता परिसरातील परिवार सोसायटीत कुटूंबियासह राहायला आहेत. २९ सप्टेंबर ते ७ ऑक्टोबर कालावधीत ते बाहेरगावी गेले होते. त्यावेळी चोरट्यांनी त्यांच्या बंद फ्लॅटचे कुलूप तोडून आतमध्ये प्रवेश केला. कपाटातील ६ लाख २० हजारांची रोकड आणि सोन्या-चांदीचे दागिने असा १७ लाख १० हजारांचा ऐवज चोरून नेला. तक्रारदार गावाहून आल्यानंतर त्यांना घरात चोरी झाल्याचे दिसून आले. त्यानंतर त्यांनी पोलीस ठाण्यात धाव घेत तक्रार दाखल केली आहे. याप्रकरणी पोलीस उपनिरीक्षक मोहन चव्हाण तपास करीत आहेत.
