सायबर पोलीस ठाण्यात गुन्हा दाखल
marathinews24.com
पुणे – शेअर बाजारात गुंतवणुकीच्या आमिषाने सायबर चोरट्यांनी जमीन खरेदी विक्री व्यवहार करणाऱ्या एका व्यावसायिकाची ९० लाख रुपयांची फसवणूक करण्यात आल्याचा प्रकार उघडकीस आला आहे. याबाबत एका व्यावसायिकाने शिवाजीनगर येथील सायबर पोलीस ठाण्यात फिर्याद दिली आहे. तक्रारदार ४४ वर्षीय व्यावसायिक हडपसर भागातील मगरपट्टा सिटीत राहायला आहेत.
बँक कर्मचारी महिलेला शिवीगाळ करुन विनयभंग – सविस्तर बातमी
सायबर चोरट्यांनी त्यांच्या मोबाइल क्रमांकावर संपर्क साधून शेअर बाजारात गुंतवणूक केल्यास दरमहा आठ ते दहा टक्के परतावा मिळेल, असे आमिष दाखविले होते. त्यानंतर त्यांनी चोरट्यांच्या खात्यात वेळोवेळी पैसे जमा केले. पैसे जमा केल्यानंतर त्यांना परतावा देण्यात आला नाही. फसवणूक झाल्याचे लक्षात आल्यानंतर व्यावसायिकाने पोलिसांकडे तक्रार दिली. पोलीस निरीक्षक संगीता देवकाते तपास करत आहेत.
