कोंढवा पोलिस ठाण्यात गुन्हा दाखल
marathinews24.com
पुणे – दुकानदाराला पैसे बँक खात्यात पाठविल्याचा बनावट मेसेज दाखवून 1 लाख 35 हजार रुपयांचा मोबाईल खरेदी केल्याचा प्रकार उघडकीस आला आहे. याप्रकरणी फारुख अत्तार शेख (वय 37, रा. कोंढवा) यांनी कोंढवा पोलिस ठाण्यात तक्रार दिली आहे. त्यानुसार आदित्य विनोद गायकवाड याच्यावर गुन्हा दाखल करण्यात आला आहे. ही घटना 11 मार्च रोजी घडली आहे.
शाळकरी मुलीशी अश्लील कृत्य; रिक्षाचालक अटकेत – सविस्तर बातमी
पोलिसांनी दिलेल्या माहितीनुसार, तक्रारदार हे कोंढव्यातील आर. आर. कम्युनिकेशन या मोबाईल विक्री करणाऱ्या दुकानात काम करतात. गायकवाडने सॅमसंग कंपनीचा अल्ट्रा 26 हा मोबाईल खरेदी करणार असल्याचे सांगितले. यावेळी त्याला या मोबाईलवर ऑफर सुरू असून तो 1 लाख 34 हजार 999 रुपयांना असल्याचे सांगण्यात आले.
यावेळी गायकवाडने मोबाईल शॉपीच्या बँक खात्यावर एनईएफटीच्या माध्यमातून पैसे पाठवत असल्याचे सांगून एका तासात पैसे जमा होतील असे सांगितले आणि त्याच्या मोबाईलवरील मेसेज दाखवला. त्यामुळे तक्रारदार यांनी गायकवाडला मोबाईल दिला. मात्र, गायकवाडने पैसे बँक खात्यात आले नसल्याचे सांगितल्यानंतर वेगवेगळी कारणे देऊन तक्रारदारांना पैसे पाठविले नाहीत.
फसवणूक झाल्याचे लक्षात आल्यानंतर तक्रार देण्यात आली आहे.याप्रकरणाचा पुढील तपास पोलिस उपनिरीक्षक खोपडे करत आहेत.
