वारजे माळवाडी पोलिसांनी तरुणासह दोन अल्पवयीनांविरुद्ध केला गुन्हा दाखल
marathinews24.com
पुणे – घातक नायलाॅन मांजा बाळगल्या प्रकरणी वारजे माळवाडी पोलिसांनी तरुणासह दोन अल्पवयीनांविरुद्ध गुन्हा दाखल केला. याप्रकरणी एका १९ वर्षीय तरुणासह दोन अल्पवयीनांविरुद्ध पर्यावरण संरक्षण कलमांन्वये गुन्हा दाखल करण्यात आला आहे. याबाबत पोलीस शिपाई सुनील मुठे यांनी वारजे माळवाडी पोलीस ठाण्यात फिर्याद दिली आहे.
पुणे ग्रामीण पोलिसांनी नदीत उडी मारून दरोडेखोरांना पकडले – सविस्तर बातमी
पोलिसांनी दिलेल्या माहितीनुसार, नायलाॅन मांजाची विक्री, तसेच बाळगण्यास उच्च न्यायालयाने बंदी घातली आहे. नायलाॅन मांजामुळे गंभीर दुर्घटना घडल्या आहेत. मांजामुळे चिरल्याने दुचाकीस्वार नागरिक, तसेच पादचारी जखमी झाल्याच्या घटना पुणे, तसेच पिंपरी-चिंचवड शहरात घडल्या होत्या. मांजामुळे पक्ष्यांना इजा झाल्याच्या घटना घडल्या होत्या. वारजे भागातील न्यू अहिरेगाव परिसरात एका तरुणासह दोन अल्पवयीन नायलाॅन मांजाची विक्री करत असल्याची माहिती पोलिसांना मिळाली. त्यानंतर पोलिसांनी कारवाई करुन त्यांच्याकडून नायलाॅन मांजाची रिळे जप्त केली. पोलीस उपनिरीक्षक लुगडे तपास करत आहेत.
