चोरट्यांविरुद्ध गुन्हा दाखल
marathinews24.com
पुणे – शहरातील वेगवेगळ्या भागात असलेल्या दोन मंदिरातील दानपेटी उचकटून चोरट्यांनी रोकड चोरून नेल्याचा प्रकार उघडकीस आला. याप्रकरणी चोरट्यांविरुद्ध गुन्हा दाखल करण्यात आला आहे. फुरसुंगी आणि भवानी पेठेतील मंदिरात या घटना घडल्या. भवानी पेठेतील कल्पतरु प्लाझा इमारतीच्या परिसरातील श्री सूर्यमुखी दत्त मंदिरातील दानपेटीचे कुलूप चोरट्यांनी तोडले.
भांडणाच्या रागातून तरूणाचा केला खून – सविस्तर बातमी
चोरट्यांनी गल्ल्यातील ५ हजार २०० रुपयांची रोकड चोरून नेली. याबाबत महिलेने खडक पोलीस ठाण्यात फिर्याद दिली असून, चोरट्यांविरुद्ध गुन्हा दाखल करण्यात आला आहे. पोलिसांनी मंदिराच्या परिसरातील सीसीटीव्ही चित्रीकरण तपासले असून, पोलीस कर्मचारी ढवाण तपास करत आहेत.
हडपसरमधील फुरसुंगी परिसरात असलेल्या श्री काळूबाई मंदिरातील दानपेटी चोरून नेल्याची घटना उघडकीस आली. दानपेटीतील रोकड, तसेच दानपेटीची किंमत १६ हजार ३०० रुपये असल्याचे फिर्यादीत म्हटले आहे. याबाबत एकाने फुरसुंगी पोलीस ठाण्यात फिर्याद दिली आहे. पोलीस कर्मचारी कुंटेवार तपास करत आहेत.
