अज्ञात चोरट्यांविरूद्ध गुन्हा दाखल
marathinews24.com
पुणे – रस्त्याच्या कडेला उभ्या केलेल्या मोटारीचा दरवाजा उघडून चोरट्यांनी तब्बल १६ लाख ३२ हजारांची रोकड चोरून नेली आहे. ही घटना ४ मे रोजी दुपारी बाराच्या सुमारास हांडेवाडीतील भारत पेट्रोलपंपाजवळ घडली आहे. याप्रकरणी आंबेगाव खुर्दमध्ये राहणार्या २९ वर्षीय तरूणाने फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
शेअरमधील गुंतवणूकीचे आमिष अंगलट, ८ लाखांची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार तरूण आंबेगाव खुर्दमध्ये राहायला असून, ४ मे रोजी तो मोटारीतून १६ लाख ३२ हजारांची रोकड घेउन हांडेवाडीत गेला होता. त्याने रस्त्याच्या कडेला अलिशान मोटार उभी केली होती. अज्ञात चोरट्याने गाडीचा दरवाजा उघडून रोकड चोरून नेली. काही वेळानंतर तरूण गाडीत बसल्यानंतर त्याला रोकड दिसून आली नाही. चोरीच्या घटनेनंतर तरूणाने तत्काळ पोलीस ठाण्यात धाव घेतली. याप्रकरणी सहायक पोलीस निरीक्षक अमित शेटे तपास करीत आहेत.
