आरोपीविरुद्ध विनयभंग आणि पोक्सो कायद्यांतर्गत गुन्हा दाखल
marathinews24.com
पुणे – कॉलेजवरून घरी परतणाऱ्या एका अल्पवयीन मुलीचा पाठलाग करून तिचा विनयभंग केल्याची घटना फरासखाना पोलिस ठाण्याच्या हद्दीत घडली. आरोपीने तिला जबरदस्तीने मोबाईल देण्याचा प्रयत्न केला आणि त्यानंतर तिचे चुंबन घेऊन पळ काढला. घटनेमुळे शहरात महिलांच्या सुरक्षेचा प्रश्न पुन्हा ऐरणीवर आला आहे. याप्रकरणी पीडित मुलीने फिर्याद दिली असून, पोलिसांनी संकेत संतोष शेंडगे (वय २७, रा. कुर्डुवाडी, सोलापूर) याच्यावर गुन्हा दाखल केला आहे. दि. १० एप्रिलला सकाळी अकराच्या सुमारास घडली.
वानवडीत मध्यरात्री शटर उचकटले; एक्सपोर्ट कंपनीतून वायर लंपास – सविस्तर बातमी
पोलिसांनी दिलेल्या माहितीनुसार, पीडित मुलगी कॉलेजवरून घरी जात होती. त्यावेळी आरोपीने ल पाठलाग करून तिला थांबवले. “माझ्याशी बोलायचे, नाहीतर तुझ्याकडे बघून घेईन,” अशी धमकी त्याने दिली. तरुणी घाबरलेली असतानाच आरोपीने जबरदस्तीने तिच्या गालाचे ‘चुंबन घेतले. धक्कादायक प्रकारानंतर तरुणीने घरच्यांना माहिती देऊन पोलिसांत धाव घेतली. पोलिसांनी आरोपीविरुद्ध विनयभंग आणि पोक्सो कायद्यांतर्गत गुन्हा दाखल केला आहे. पोलीस उपनिरीक्षक पाटील अधिक तपास करत आहेत.
