६ जणांविरुद्ध गुन्हा
marathinews24.com
पुणे – किरकोळ वादातून महाविद्यलायीन युवकाला बेदम मारहाण करण्यात आल्याची घटना भवानी पेठेतील कासेवाडी भागात घडली. याप्रकरणी सहा जणांविरुद्ध गुन्हा दाखल करण्यात आला. टोळक्याने केलेल्या मारहाणीत एका युवकाच्या डोक्याला दुखापत झाली आहे. याबाबत युवकाने खडक पोलीस ठाण्यात फिर्याद दिली आहे.
फर्ग्युसन रस्त्यावर पुस्तक विक्री दुकानातून रोकड चोरीला – सविस्तर बातमी
पोलिसांनी दिलेल्या माहितीनुसार, तक्रारदार युवक घोरपडेतील बी. टी. कवडे रस्ता परिसरात राहायला आहेत. महाविद्यालयात एकमेकांकडे बघण्यावरुन आरोपी आणि तक्रारदार युवकात वाद झाला होता. तक्रारदार युवक भवानी पेठेतील कासेवाडी भागातून ४ डिसेंबर रोजी दुपारी निघाला होता. कासेवाडीतील त्रिकोणी गार्डनजवळ टोळक्याने त्याला अडवले आणि शिवीगाळ केली. त्याला लाथाबुक्क्यांनी बेदम मारहाण केली. त्याच्या डोक्यात फरशीचा तुकडा मारला. युवकाच्या डोक्याला दुखापत झाली. पसार झालेल्या आरोपींचा शोध घेण्यात येत असून, पोलीस हवालदार केंद्रे तपास करत आहेत.
