खराडी पोलीस ठाण्यात अकस्मात मृत्यू अशी नोंद
marathinews24.com
पुणे – शहरातील मुंढवा नदीपात्रात उडी मारून तरुणीने आत्महत्या केल्याची घटना मंगळवारी दि. ५ दुपारी तीनच्या सुमारास घडली आहे. तरुणीच्या आत्महत्येमागचे कारण समजू शकले नाही. याप्रकरणी खराडी पोलीस ठाण्यात अकस्मात मृत्यू अशी नोंद करण्यात आली आहे. २२ वर्षीय तरुणी मूळची सोलापूर जिल्ह्यातील माढा तालुक्यातील आहे.
पुण्यात हवालदाराने घेतली दीड लाखांची लाच, तक्रारदाराच्या छातीचा चावाही काढला – सविस्तर बातमी
तरूणीने मंगळवारी (५ मे) दुपारी तीनच्या सुमारास मुळा-मुठा नदीवरील पुलावरून उडी मारून आत्महत्या केली. तरुणीने तिची पिशवी पुलाच्या कठड्याजवळ ठेवली होती. या घटनेची माहिती मिळताच पोलीस आणि अग्निशमन दलाच्या जवानांनी घटनास्थळी धाव घेतली. अग्निशमन दलाच्या जवानांनी मंगळवारी सायंकाळपर्यंत शोध घेतला. मात्र, तरुणीचा मृतदेह सापडला नाही. बुधवारी सकाळी पुन्हा शोधमोहीम राबविण्यात आली. तेव्हा तरुणीचा मृतदेह दुपारी सापडला.
