बाणेर पोलिसांनी केला गुन्हा दाखल
marathinews24.com
पुणे – बालेवाडीतील निकमार युनिव्हर्सिटी या संस्थेतील प्रयोगशाळेतून संगणक आणि लॅपटाॅप असा दीड लाख रुपयांचा मुद्देमाल चोरुन नेल्याची घटना उघडकीस आली. या प्रकरणी एकाविरुद्ध बाणेर पोलिसांनी गुन्हा दाखल केला अहो. याबाबत संस्थेतील कर्मचारी विशाल तळेकर (वय ३७, रा. देशमुखवाडी, शिवणे, वारजे -एनडीए रस्ता) यांनी बाणेर पोलीस ठाण्यात फिर्याद दिली आहे.
स्वारगेट मेट्रो स्थानकासमोर पादचाऱ्याचा मृत्यू – सविस्तर बातमी
पोलिसांनी दिलेल्या माहितीनुसार, बालेवाडी परिसरात निकमार युनिव्हर्सिटी आहे. या संस्थेतील प्रयोगशाळा आणि सर्व्हररुमधील लॅपटाॅप आणि संगणक चोरून नेण्यात आल्याची घटना नुकतीच घडली. संस्थेतील कर्मचाऱ्यांच्या लक्षात हा प्रकार आल्यानंतर त्यांनी पोलिसांकडे तक्रार दिली. पोलीस हवालदार आहेर तपास करत आहेत.
कर्वे रस्त्यावर ओैषध विक्री दुकानातून रोकड चोरी
ओैषध विक्री दुकानातून रोकड चोरीला गेल्याची घटना कर्वे रस्ता भागात घडली. याप्रकरणी चोरट्यांविरुद्ध गुन्हा दाखल करण्यात आला आहे. याबाबत एका ओैषध विक्रेत्याने डेक्कन पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, कर्वे रस्ता परिसरात ओैषध विक्रीचे दुकान आहे. चोरट्यांनी दुकानातील गल्ल्यातून १६ हजार रुपयांची रोकड चोरुन नेल्याची घटना नुकतीच घडली. पोलीस उपनिरीक्षक पाटील तपास करत आहेत. शहर परिसरात गेल्या काही दिवसांपासून ओैषध, किराणा माल, तसेच मिठाई विक्री दुकानांचे कुलूप तोडून रोकड चोरीला जाण्याच्या घटना वाढल्या आहेत.
