गावठी दारू विक्री प्रकरणातील महिलांविरुद्ध महाराष्ट्र पोलीस अधिनियम १४२ अन्वये कारवाई
marathinews24.com
पुणे – गावठी दारू विक्री प्रकरणात पुणे, पिंपरी-चिंचवड शहर, जिल्ह्यातून तडीपार करण्यात आलेल्या तीन महिलांना पोलिसांनी येरवडा भागातून ताब्यात घेतले. तडीपार केल्यानंतर महिलांनी आदेशाचा भंग केल्याचे उघडकीस आल्यानंतर त्यांच्याविरुद्ध कारवाई करण्यात आली. तडीपार केल्यानंतर आदेशाचा भंग केल्या प्रकरणी शारदा राजू चव्हाण (वय ४५), लक्ष्मी देवी राठोड (वय ४५), अनुसया नीलेश राठोड (वय ३२, रा. लक्ष्मीनगर, येरवडा) यांच्याविरुद्ध गु्न्हा दाखल करण्यात आला.
इन्स्टाग्रामवरील बातमीवर आक्षेपार्ह टिप्पणी भोवली – सविस्तर बातमी
चव्हाण, राठोड यांच्याविरुद्ध गावठी दारू विक्री प्रकरणी गुन्हे दाखल झाले होते. तडीपार केल्यानंतर त्या पुन्हा लक्ष्मीनगर भागात आल्या होत्या. घराजवळ त्यांचा वावर होता. गस्त घालणारे पोलीस उपनिरीक्षक महेश नलावडे, पोलीस कर्मचारी प्रदीप चव्हाण, लहू गडमवाड, शाम शिपणे, रुपाली टोपे यांना याबाबतची माहिती मिळाली. त्यानंतर तिघींना ताब्यात घेण्यात आले. तडीपार केल्यानंतर आदेशाचा भंग केल्या प्रकरणी तिघींविरुद्ध महाराष्ट्र पोलीस अधिनियम १४२ अन्वये गुन्हा दाखल करण्यात आला.
पोलीस उपायुक्त रजनीकांत चिलुमुला, सहायक आयुक्त सुनील जैतापूरकर यांच्या मार्गदर्शनाखाली लक्ष्मीनगर पोलीस ठाण्याचे वरिष्ठ पोलीस निरीक्षक युवराज नांद्रे, गुन्हे शाखेचे निरीक्षक अमर कदम, सहायक निरीक्षक निखील पवार, दत्तात्रय लिगाडे, महेश नलावडे, मयूर सूर्यवंशी, गणेश लोखंडे, श्रीनाथ कांबळे यांनी ही कारवाई केली.
