अज्ञात व्यक्तीवर फुरसुंगी पोलिस ठाण्यात गुन्हा दाखल
marathinews24.com
पुणे – Crime News : देवाची उरुळी येथील घराचा सेफ्टी लॉक तोडून चोरट्याने १० हजार रुपयांची रोकड आणि गावाकडील जागेचे खरेदीखत चोरून नेले. घरातील कपाट व लॉकरचे लॉकही तोडण्यात आले आहेत. याप्रकरणी अज्ञात व्यक्तीवर फुरसुंगी पोलिस ठाण्यात गुन्हा दाखल करण्यात आला आहे. याबाबत रमेश किसनराव धुमाळ (वय ४५, रा. सुलई कॉम्प्लेक्स, फ्लॅट क्रमांक १०, दुसरा मजला, महंमदवाडी, हडपसर, पुणे) यांनी फिर्याद दिली आहे.
कॅम्पमध्ये जेवणासाठी आलेल्या ५ जणांना मारहाण – सविस्तर बातमी
पोलिसांनी दिलेल्या माहितीनुसार, दि. १६ ऑक्टोबर रोजी रात्री पावणेआठ वाजता देवाची उरुळी येथील सावली होमजवळील सावली सृष्टी, प्लॉट क्रमांक ६५ येथे ही घटना घडली. चोरट्याने एखाद्या साधनाच्या साहाय्याने घराच्या दरवाजाचा सेफ्टी लॉक तोडला आणि विनापरवानगी आत प्रवेश केला. त्यानंतर कपाटाचे तसेच आतील लॉकरचे लॉक तोडून त्यातील रोकड घेतली. धुमाळ यांच्या गावाकडील जागेचे खरेदीखतही चोरून नेण्यात आल्याचे फिर्यादीत नमूद करण्यात आले आहे. पोलिस अंमलदार हराळे तपास करीत आहेत.
औंधमध्ये तरुणाच्या डोक्यात हत्याराने वार
Crime News : औंधमधील डी. पी. रोडवर अठरा वर्षीय तरुणाच्या डोक्यात लोखंडी हत्याराने मारून त्याला जखमी करण्यात आले. एका आरोपीने हत्याराने हल्ला केला, तर दुसऱ्याने तरुणाला पकडून लाथाबुक्क्यांनी मारहाण केल्याची तक्रार आहे. याप्रकरणी प्रज्वल ओम कांबळे (वय १९, रा. पीएमसी बिल्डिंग, नागरस रोड, औंध) आणि गुरुराज देविदास फंड (वय २२, रा. पीएमसी बिल्डिंग, मेडीपॉइंटसमोर, डी. पी. रोड, औंध) यांच्यावर चतुःशृंगी पोलिस ठाण्यात गुन्हा दाखल करण्यात आला आहे. याबाबत सिद्धेश राजू गायकवाड (वय १८, रा. पीएमसी बिल्डिंग, डी. पी. रोड, औंध) यांनी फिर्याद दिली आहे.
पोलिसांनी दिलेल्या माहितीनुसार, दि. १५ ऑक्टोबर रोजी मध्यरात्रीनंतर एक वाजून पाच मिनिटांनी अमेय अपार्टमेंटजवळ ही घटना घडली. गायकवाड यांना काही समजण्यापूर्वीच कांबळे याने त्यांच्या डोक्याच्या मागील बाजूस लोखंडी हत्याराने मारले. फंड याने त्यांना पकडून लाथाबुक्क्यांनी मारहाण व शिवीगाळ केली. पोलिस उपनिरीक्षक दबडे तपास करीत आहेत.
