बालगंधर्व रंगमंदिर येथे सांस्कृतिक महोत्सव संपन्न
marathinews24.com
पुणे – पुण्यश्लोक अहिल्यादेवी होळकर यांच्या त्रिशताब्दी जयंती वर्षानिमित्त सांस्कृतिक कार्य संचालनालयातर्फे बालगंधर्व रंगमंदिर येथे पुण्यश्लोक अहिल्यादेवी होळकर सांस्कृतिक महोत्सव साजरा करण्यात आला.
या महोत्सवानिमित्त पोवाडे, भारुड, वासुदेव तसेच पुण्यश्लोक फाऊंडेशन निर्मित पुण्यश्लोक अहिल्यादेवी होळकर यांच्या व्रतस्थ, स्वाभिमानी आणि आदर्श वाटचालीचं दर्शन घडवणाऱ्या महानाट्याचा प्रयोग सादर करण्यात आला. प्रास्ताविक धनंजय तानले यांनी केले.
याप्रसंगी सांस्कृतिक विभागाच्या अधीक्षक श्रीमती जान्हवी जानकर, शाहीर हेमंत आवळे तसेच विविध क्षेत्रातील मान्यवर व नागरिक उपस्थित होते.
