कर्वे रस्त्यावरील हॉटेल जलसासमोर घडली घटना
marathinews24.com
पुणे – भरधाव दुचाकीस्वाराने पाठीमागून जोरात धडक दिल्यामुळे समोरील दुचाकीस्वारासह जेष्ठ महिला खाली पडली. त्याचवेळी शेजारून जाणार्या टेम्पो ट्रॅव्हलरचे चाक महिलेच्या अंगावरून गेल्यामुळे त्यांचा जागीच मृत्यू झाला आहे. हा अपघात ३ फेबु्रवारीला सकाळी सव्वा आठच्या सुमारास कर्वे रस्त्यावरील हॉटेल जलसासमोर घडला आहे. याप्रकरणी दुचाकीस्वाराविरूद्ध अलंकार पोलिसांनी गुन्हा दाखल केला आहे.
शेअर ट्रेडींगची गुंतवणूक महागात – सविस्तर बातमी
सिताबाई आजिनाथ शिंदे (वय ६१, रा. कर्वेनगर) असे ठार झालेल्या महिलेचे नाव आहे. याप्रकरणी तुळशीदास शिंदे (वय ३८ रा. कर्वेनगर) यांनी अलंकार पोलीस ठाण्यात फिर्याद दाखल केली आहे.
पोलिसांनी दिलेल्या माहितीनुसार, तक्रारदार तुळशीदास आणि त्यांची आई सिताबाई हे ३ फेबु्रवारीला दुचाकीवरून चालले होते. कर्वे रस्त्यावरील जलसा हॉटेलजवळ पाठीमागून आलेल्या एका दुचाकीस्वाराने त्यांना धडक दिली. त्यामुळे दोघेही खाली पडल्यामुळे जखमी झाले. त्याचेवळी शेजारून जाणार्या टेम्पो ट्रॅव्हलरचे चाक सिताबाईच्या अंगावरून गेल्यामुळे त्यांचा जागीच मृत्यू झाला आहे. अपघाताला कारणीभूत दुचाकीस्वाराविरूद्ध गुन्हा दाखल करण्यात आला आहे. आजूबाजूच्या सीसीटीव्ही फुटेजनुसार आरोपीचा शोध घेतला जात असल्याचे पोलिसांनी सांगितले. याप्रकरणी पोलीस उपनिरीक्षक निंबाळकर तपास करीत आहेत.
