मुंढव्यातील घटनेने खळबळ
marathinews24.com
पुणे – शहरातील मुंढवा भागातील बी. टी. कवडे रस्त्यावरील बहुमजली सोसायटीतील १७ व्या मजल्यावरील फ्लॅटमध्ये भीषण आग लागल्याची घटना बुधवारी घडली. आगीनंतर किचनमधील सिलेंडरचा स्फोट झाल्यामुळे भीतीचे वातावरण निर्माण झाले होते. सुदैवाने कुटूंब नोकरीनिमित्त बाहेर गेले असल्याने कोणतीही जीवितहानी झाली नाही. दरम्यान, आग इतरत्र नो पोहचू न देता अग्निशमन दलाने आगीवर नियत्रंण मिळविले.
पुण्यात ज्येष्ठाच्या २२ कोटींच्या फसवणूक प्रकरणात आणखी चौघांना बेड्या – सविस्तर बातमी
सिलेंडरच्या स्फोटामुळे घरघुती साहित्य जळून खाक झाले, अशी माहिती अग्निशमन दलाचे प्रमोद सोनवणे यांनी दिली. बी. टी. कवडे रस्त्यावर कोहिनूर रेसिडेन्सी ही बहुमजली इमारत आहे. सचित ननावरे यांचा १७ व्या मजल्यावर क्रमांक एकचा फ्लॅट आहे. सचित हे त्यांच्या पत्नी व मुलीसोबत राहण्यास आहेत. दरम्यान, दाम्पत्य नोकरी करते. तर मुलगी शाळेत शिकते. नेहमीप्रमाणे दोघेही नोकरी निमित्ताने बाहेर गेले होते. तर मुलगी शाळेत गेली होती.
दरम्यान, अचानक फ्लॅटमधून धूर येत असल्याची बाब सकाळी अकराच्या सुमारास समोर आली. नागरिकांनी ही माहिती अग्निशमन दल तसेच पोलिसांना दिली. आगीची माहिती मिळताच अग्निशमन दलाच्या चार फायर गाड्या तसेच तीन वॉटर टँकर घटनास्थळी दाखल झाले. पण, तोपर्यंत आग मोठ्या प्रमाणात भडकली होती. आगीत घरातील गॅस सिलेंडरचा स्फोट झाला. त्यामुळे तर आग आणखीनच भडकली. लागलीच अग्निशमन दलाच्या जवानांनी पाण्याचा प्रचंड माराकरून ही आग इतरत्र पसरवू न देता ती काही वेळात आटोक्यात आणली. आग नेमकी का लागली हे समजू शकले नाही. घरात कोणीही नसल्याने मोठी दुर्घटना टळली असल्याचे अग्निशमन दलाकडून सांगण्यात आले.
