कंपनीच्या संचालकांविरुद्ध गुन्हा दाखल
marathinews24.com
पुणे – नामांकित कंपनीत नोकरीच्या आमिषाने तरुणांची दीड कोटी रुपयांची फसवणूक केल्या प्रकरणी विमानतळ पोलिसांनी एका खासगी कंपनीच्या संचालकांविरुद्ध गुन्हा दाखल केला. याबाबत एका तरुणाने विमानतळ पोलीस ठाण्यात फिर्याद दिली आहे. याप्रकरणी खासगी कंपनीच्या संचालकांविरुद्ध गुन्हा दाखल करण्यात आला आहे.
वराह पालनाच्या वादातून पिस्तूल बाळगणारा गजाआड – सविस्तर बातमी
पोलिसांनी दिलेल्या माहितीनुसार, संबंधित कंपनीचे कार्यालय विमाननगर भागातील सॉलिटर बिझनेस हब येथे आहे. आरोपींनी विविध कन्सल्टन्सीमार्फत तक्रारदारासह अन्य तरुणांना खासगी कंपनीत नोकरी देण्याचे आमिष दाखवले. त्यांच्याकडून काम करून घेण्यात आले, तसेच त्यांना वेतन देण्यात आले नाही. कर्मचाऱ्यांचे भविष्य निर्वाह निधी (पीएफ) खाते उघडून त्यामध्ये रक्कम जमा न करता अपहार करण्यात आला. तक्रारदारासह इतरांची आरोपींनी एक कोटी ५१ लाख ८७ हजार रुपयांची फसवणूक केल्याचे फिर्यादीत म्हटले आहे. विमानतळ पोलिसांकडून याप्रकरणाचा तपास करण्यात येत आहे.
