दाम्पत्याविरुद्ध गुन्हा
marathinews24.com
पुणे – रोपवाटिका व्यवसायात (नर्सरी) गुंतवणुकीच्या आमिषाने एकाची ४ लाख २० हजार रुपयांची फसवणूक केल्या प्रकरणी एका दाम्पत्याविरुद्ध लोणी काळभोर पोलिसांनी गुन्हा दाखल केला. महेंद्र बाबू जैनजांगडे (वय ३९, रा. सिद्राम मळा, रामदरा रस्ता, लोणी काळभोर) यांनी लोणी काळभोर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, किशोर लक्ष्मण साठे (वय ३५), अर्चना किशोर साठे (वय ३४, दोघे रा. सोरतापवाडी, पुणे-सोलापूर रस्ता, ता. हवेली) यांच्याविरुद्ध गु्न्हा दाखल करण्यात आला आहे.
पुणे महापालिकेत नोकरीच्या आमिषाने ५ लाखांची फसवणूक – सविस्तर बातमी
पोलिसांनी दिलेल्या माहितीनुसार, आरोपी दाम्पत्याची तक्रादारांशी ओळख झाली होती. रोपवाटिका व्यवसायात गुंतवणूक केल्यास फायदा होईल, असे आरोपीने त्यांना सांगितले होते. त्यांच्याकडून वेळोवेळी रोख स्वरुपात, तसेच धनादेशाद्वारे रक्कम दिली. पैसे घेतल्यानंतर त्यांना परतावा दिला नाही. पैसे करण्याबाबत मागणी करण्यात आली. तेव्हा दाम्पत्याने टाळाटाळ सुरू केली. पोलीस उपनिरीक्षक पूजा माळी तपास करत आहेत.
