जेष्ठाची ९ लाखांची फसवणूक
marathinews24.com
पुणे – शेअर ट्रेडींगमध्ये गुंतवणूक केल्यास चांगला परतावा मिळवून देतो, अशी बतावणी करीत सायबर चोरट्यांनी जेष्ठाला तब्बल ८ लाख ७७ हजारांचा ऑनलाईन गंडा घातला आहे. ही घटना १८ एप्रिल ते ८ जुलै कालावधीत मगरपट्टा रोड परिसरात घडली आहे. याप्रकरणी ६९ वर्षीय नागरिकाने हडपसर पोलीस ठाण्यात फिर्याद दाखल केली आहे. त्यानुसार मोबाइलधारक आरोपीविरूद्ध गुन्हा दाखल केला आहे.
पीएमपीएल बसमध्ये शिरताना जेष्ठेची सोन्याची पाटली चोरीला – सविस्तर बातमी
पोलिसांनी दिलेल्या माहितीनुसार, तक्रारदार हे मगरपट्टा रस्ता परिसरात राहायला आहेत. १८ एप्रिलला सायबर चोरट्यांनी त्यांना फोन करून शेअर ट्रेडींगमध्ये गुंतवणूकीवर चांगला परतावा मिळवून देण्याचे आमिष दाखविले. त्यांचा विश्वास संपादित केल्यानंतर सायबर चोरट्यांनी तक्रारदाराला जाळ्यात अडकवून गुंतवणूकीला भाग पाडले. जवळपास ९ लाख रूपये गुंतवणूक केल्यानंतरही त्यांना परतावा मिळाला नाही. फसवणूक झाल्याचे लक्षात आल्यानंतर त्यांनी पोलीस ठाण्यात धाव घेत तक्रार दाखल केली. याप्रकरणी पोलीस निरीक्षक नीलेश जगदाळे तपास करीत आहेत.
पार्सलमध्ये ड्रग्जच्या बतावणीने गंडा
पोलीस असल्याची बतावणी करीत सायबर चोरट्याने महिलेला त्यांच्या पार्सलमध्ये ड्रग्ज सापडल्याची बतावणी केली. संबंधिताने महिलेला अटक करण्याची भीती दाखवून ७ लाख रूपये वर्ग करण्यास भाग पाडले आहे. ही घटना ७ ते ९ ऑक्टोबर कालावधीत येरवड्यात घडली आहे. याप्रकरणी ५८ वर्षीय महिलेने येरवडा पोलीस ठाण्यात फिर्याद दाखल केली आहे. त्यानुसार मोबाइलधारक आरोपीविरूद्ध गुन्हा दाखल केला आहे. वरिष्ठ पोलीस निरीक्षक अंजुम बागवान तपास करीत आहेत.
