अज्ञात चोरट्यांविरूद्ध गुन्हा दाखल
marathinews24.com
पुणे – पीएमपीएल बसमध्ये प्रवेश करीत असताना गर्दीचा फायदा घेउन चोरट्यांनी जेष्ठ महिलेच्या हातातील ९० हजार रूपयांची सोन्याची पाटली चोरून नेली आहे. ही घटना २ नोव्हेंबरला संध्याकाळी पावणेसहाच्या सुमारास कोथरूड स्थानकात घडली आहे. याप्रकरणी निगडीत राहणार्या ७३ वर्षीय महिलेने कोथरूड पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल केला आहे.
कत्तलखाना विरोधातील आंदोलनकर्त्यांची निर्दोष मुक्तता; ११ वर्षांनंतर न्याय – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ महिला निगडीत राहायला असून, २ नोव्हेंबरला संध्याकाळी साडेपाचच्या सुमारास कोथरूड ते निगडी असा पीएमपीएल बसप्रवास करणार होती. त्यावेळी स्थानकात गर्दीचा फायदा घेउन चोरट्यांनी महिलेच्या हातातील ९० हजारांची सोन्याची पाटली कापून नेली. याप्रकरणी पोलीस अमलदार कोंडे तपास करीत आहेत.
पर्समधील ५५ हजारांचे दागिने चोरीला
महिलेच्या पर्समधील ५५ हजारांचे दागिने चोरट्यांनी चोरून नेले. ही घटना २ नोव्हेंबरला संध्याकाळी पावणे पाच वाजण्याच्या सुमारास रविवार पेठेतील मिर्झा गालिब चौकात घडली आहे. याप्रकरणी चिपळूणमधील महिलेने फरासखाना पोलीस ठाण्यात फिर्याद दाखल केली आहे. पोलीस अमलदार कदम तपास करीत आहेत.
