टोळक्याला पर्वती पोलिसांनी केली अटक
marathinews24.com
पुणे – कोयते उगारून दहशत माजविणार्या टोळक्याला पर्वती पोलिसांनी अटक केली. टोळक्याकडून कोयते जप्त करण्यात आले. प्रेम अर्जुन ढावरे (वय २०), किरण येडबा झोंबाडे (वय २१) पंकज सुभाष पवार (वय २१), आकाश चंद्रकांत गायकवाड (वय २२, सर्व रा. शाहू वसाहत, लक्ष्मीनगर, पर्वती), किरण सुरेश कुर्ले (वय १९, रा. जनता वसाहत, पर्वती) अशी अटक केलेल्यांची नावे आहेत. याबाबत पोलीस कर्मचारी नानासाहेब खाडे यांनी पर्वती पोलीस ठाण्यात फिर्याद दिली आहे.
गांजा बाळगणारा रिक्षा चालक अटकेत – सविस्तर बातमी
पोलिसांनी दिलेल्या माहितीनुसार, पर्वती भागातील शाहू वसाहतीत आरोपी ढावरे, झोंबाडे, पवार, गायकवाड, कुर्ले हे रविवारी ( १ मार्च) सायंकाळी पाचच्या सुमारास दुचाकीवरुन आले. त्यांच्याकडे कोयते होते. रामराज्य मंडळाजवळ आरोपी दुचाकीवरुन उतरले. त्यांनी कोयते उगारून दहशत माजविली. नागरिकांनी शिवीगाळ केली. या घटनेची माहिती मिळताच पोलिसांनी घटनास्थळी धाव घेऊन आरोपींना अटक केली. पोलीस उपनिरीक्षक किरण पवार तपास करत आहेत.
