रिक्षा, गांजासह दोन लाखांचा मुद्देमाल जप्त
marathinews24.com
पुणे – गांजा बाळगणार्या रिक्षा चालकाला वाघोली पोलिसांनी अटक केली. त्याच्याकडून गांजा, रिक्षा, मोबाइल संच असा दोन लाख १६ हजार रुपयांचा मुद्देमाल जप्त केला. मोहम्मद जिशान अकबर अली अन्सारी (वय २८, सध्या रा. भावडी रस्ता, वाघोली, नगर रस्ता ) असे अटक केलेल्याचे नाव आहे. अन्सारी मूळचा उत्तर प्रदेशातील बिजनोरचा आहे. २८ फेब्रुवारी रोजी वाघोली पोलिसांचे पथक गस्त घालत होते. त्यावेळी मोकळ्या मैदानात अन्सारी रिक्षासह थांबला होता. पोलिसांनी त्यााच्या संशयास्पद हालचाली टिपल्या.
कोंढव्यात इराणी महिलेची पर्स चोरीला – अमेरिकन डॉलर,सोन्याची अंगठी लंपास – सविस्तर बातमी
पोलिसांनी अन्सारी ताब्यात घेत त्याची झडती घेण्यात आली. तेव्हा त्याच्याकडे ६ हजार ६८० रुपयांचा गांजा, मोबाइल , रिक्षा असा मुद्देमाल जप्त करण्यात आला. पोलीस उपायुक्त सोमय मुंडे, सहायक आयुक्त नूतन पवार यांच्या मार्गदर्शनाखाली वरिष्ठ पोलीस निरीक्षक नंदकुमार गायकवाड, गुन्हे शाखेच्या पोलीस निरीक्षक पल्लवी मेहेर, उपनिरीक्षक मनोज बागल, पोलीस कर्मचारी बाबासाहेब मोराळे, प्रदीप मोटे, मंगेश जाधव, सुनील कुसाळकर, समीर भोरडे, पांडुरंग माने, दीपक कोकरे, विशाल गायकवाड यांनी ही कारवाई केली.
