कोंढवा पोलीस ठाण्यात गुन्हा दाखल
marathinews24.com
पुणे – खरेदीसाठी गेलेल्या इराणी महिलेची पर्स चोरुन नेल्याची घटना कोढव्यातील कौसरबागेत घडली आहे. पर्समध्ये १०० अमेरिकन डॉलर, भारतीय चलन, तसेच सोन्याची अंगठी असा मुद्देमाल होता. याबाबत ३२ वर्षीय महिलेने कोंढवा पोलीस ठाण्यात फिर्याद दिली आहे. त्यांनी दिलेल्या फिर्यादीनुसार दोन महिलांविरुद्ध गुन्हा दाखल करण्यात आला आहे. आरोपी महिलांनी बुरधा परिधान केला असल्याचे फिर्यादीत म्हटले आहे.
मोक्का गुन्ह्यातील फरार आरोपीला बेड्या – सविस्तर बातमी
पोलिसांनी दिलेल्या माहितीनुसार, तक्रारदार महिला मूळची इराणची असून, व्यावसायिकावर व्हिसावर ती हिंदुस्थानात आली आहे. गेल्या १० वर्षांपासून ती वास्तव्य करत आहेत. महिला २८ फेब्रुवारीला कोंढव्यातील कौसरबागेत असलेल्या नबाब मोहल्लात खरेदीसाठी गेली होती. स्टॉलवर इराणी महिला थांबलेली असताना बुरधा परिधान केलेल्या दोन महिला तेथे आल्या. इराणी महिलेचे लक्ष नसल्याची संधी साधून दोन महिलांनी पर्स चोरुन नेली. पर्समध्ये १०० अमेरिकन डॉलर, हिंदुस्थानी चलन, सोन्याची अंगठी असा मुद्देमाल आहे पसार झालेल्या महिलांचा शोध घेण्यात येत असून, पोलिसांनी कौसरबाग परिसरातील सीसीटीव्ही चित्रीकरण तपासले आहे. पोलीस उपनिरीक्षक पंकज खोपडे तपास करत आहेत.
