कारागिराविरुद्ध फरासखाना पोलीस ठाण्यात गुन्हा दाखल
marathinews24.com
पुणे – दागिने घडविणाऱ्या कारागिराने २१ लाख ६० हजार रुपयांची सोन्याची लगड, तसेच दागिने लांबविल्याचा प्रकार उघडकीस आला. याप्रकरणी कारागिराविरुद्ध फरासखाना पोलीस ठाण्यात गु्न्हा दाखल करण्यात आला आहे. याबाबत एकाने फरासखाना पोलीस ठाण्यात फिर्याद दिली आहे.
शेअर ट्रेडींगच्या जाळ्यात पुणेकर अडकले – सविस्तर बातमी
पोलिसांनी दिलेल्या माहितीनुसार, तक्रारदाराचा दागिने घडवून देण्याचा व्यवसाय आहे. सराफ बाजारातील सराफ व्यावसायिक त्याच्याकडे दागिने घडविण्यासाठी सोने देतात. व्यावसायिकाकडे काम करणारा कारागिर मूळचा पश्चिम बंगालमधील आहे. सराफ व्यावसायिकांनी दागिने घडविण्यासाठी दिलेली २१ लाख ६० हजार रुपयांची सोन्याची लगड, तसेच दागिने चोरून कारागिर पसार झाल्याची घटना नुकतीच घडली. कारागिर पसार झाल्याचे लक्षात आल्यानंतर पोलिसांकडे तक्रार देण्यात आली. पोलीस उपनिरीक्षक शिवराज हाळे तपास करत आहेत.
