गुन्हे शाखेच्या खंडणी विरोधी पथकाने बीड जिल्ह्यातून केली अटक
marathinews24.com
पुणे – महाराष्ट्र संघटित गुन्हेगारी नियंत्रण कायद्यान्वये (मकोका) कारवाई केल्यानंतर फरार झालेल्या गुंडाला गुन्हे शाखेच्या खंडणी विरोधी पथकाने बीड जिल्ह्यातून अटक केली. कारवाईनंतर सराईत गेेले वर्षभर पोलिसांना गुंगारा देत होता. प्रथम नितीन मोहिते (वय २१, सध्या रा. शिवाजीनगर गावठाण, मूळ रा. खडकपुरा पेठ, जि. बीड) असे अटक करण्यात आलेल्याचे नाव आहे. मोहिते याच्याविरुद्ध शिवाजीनगर पोलिसांनी ‘मकोका’ कारवाई केली होती.
हत्याराचा धाक दाखवत जबरी चोरी – सविस्तर बातमी
कारवाई केल्यानंतर तो पसार झाला होता. मोहिते याने मारहाण, धमकी देणे अशा प्रकारचे गु्न्हे फरार झाल्यानंतर केले होते. माेहिते हा बीड जिल्ह्यात असल्याची माहिती तपास पथकाला मिळाली. त्यानंतर पोलिसांच्या पथकाने सापळा लावून त्याला बीड परिसरातून अटक केली. वरिष्ठ पोलीस निरीक्षक विश्वजीत काईंगडे यांच्या मार्गदर्शनाखाली सहायक निरीक्षक राजेश माळगावे, पोलीस कर्मचारी रणजीत फडतरे, अमोल आवाड, मयूर भोकरे आणि पथकाने ही कारवाई केली.
