लक्ष्मीनगर पोलिसांनी केली अटक
marathinews24.com
पुणे – गुटख्याची वाहतूक करणार्या तस्करांना लक्ष्मीनगर पोलिसांनी अटक केली आहे. त्याच्याकडून २० लाख ५३ हजारांचा मुद्देमाल जप्त करण्यात आला आहे. दुर्देश मोहनलाल जाट (वय १९ रा.सर्वे नं १४ रामनगर येरवडा) जगदिश वाघराम जाट (वय २८ रा. ताडीवला रोड पुणे) अशी अटक करण्यात आलेल्यांची नावे आहेत.
रामटेकडीत आम्हीच भाई; शस्त्रधारी दोघांचा राडा – सविस्तर बातमी
पीकअप वाहनातून गुटख्याची वाहतूक होणार असल्याची माहिती पोलिस अंमलदार भिमराव कांबळे व अमोल गायकवाड यांना मिळाली. त्यानुसार एपीआय मिथुन सावंत, एपीआय रविकांत नंदनवार, गायकवाड, वाघुले, गद्दे यांनी येरवड्यातील दर्गा चौकात सापळा रचून संशयित वाहन चालकांना अडविले. दुर्देश जाट आणि जगदीश जाट यांच्या वाहनातील २० लाख ५३ हजारांचा गुटखा जप्त केला. ही कामगिरी पोलीस आयुक्त अमितेश कुमार सहआयुक्त रंजन कुमार, अपर आयुक्त मनोज पाटील, उपायुक्त चिलुमुला रजनिकांत, एसीपी सुनिल जैतापुरकर, वरिष्ठ पोलीस निरीक्षक रविंद्र कदम यांनी केली.
