लुटमारीनंतर माजवली दहशत
marathinews24.com
पुणे – शहरातील रामटेकडी परिसरात शस्त्रधारी दोघांनी तरुणाला लुटून परिसरात दहशत माजवल्याची घटना ७ फेबु्रवारीला रात्री साडेआठच्या सुमारास घडली. शस्त्रधारी दोघांनी प्रचंड गोंधळ घालत रामटेकडीत आम्हीच भाई, सगळ्यांनी लायकीत रहायचे. कोणी आवाज केला सोडणार नाही अशा मोठ-मोठ्याने धमक्या देत दहशत माजविली. याप्रकरणी वानवडी पोलिस ठाण्यात दोघांविरूद्ध गुन्हा दाखल करण्यात आला आहे. याबाबत २५ वर्षीय तरुणाने तक्रार दिली आहे.
तेलंगणामध्ये महात्मा फुले यांच्या पुतळ्याची विटंबना – सविस्तर बातमी
पोलिसांच्या माहितीनुसार, तक्रारदार हे रामटेकडीतील पिवळा चौक परिसरात रात्री साडे आठच्या सुमारास थांबलेले होते. तेव्हा दोघे शस्त्रधारींनी त्यांच्याजवळ येउन मारहाण केली. त्याच्याकडे असलेली रोकड आणि मोबाईल घेतला. गर्दीच्या वेळी अन गर्दीत हा प्रकार घडल्यामुळे नागरिकांमध्ये भीतीचे वातावरण निर्माण झाले. परिसरात दहशतीचे वातावरण निर्माण करीत दोघांनी मोठ-मोठ्याने आरडा ओरडा केला. रामटेकडीत आम्हीच भाई, सगळ्यांनी लायकीत रहायचे. कोणी आवाज केला सोडणार नाही अशी धमकी दिली. गोंधळानंतर दोघेही पसार झाल्यानंतर पोलिसांनी तेथे धाव घेतली. पसार झालेल्या आरोपींचा पोलिसांकडून शोध घेतला जात आहे.
