भारती विद्यापीठ पोलिसांनी तिघांविरुद्ध केला गुन्हा दाख
marathinews24.com
पुणे – शहरातील सिंहगड महाविद्यालयाच्या परिसरातील सदनिकेत चालविण्यात येत असलेेल्या बेकायदा हुक्का पार्लरवर पोलिसांनी छापा टाकला. या कारवाईत पोलिसांनी हुक्का पात्र, तसेच सुगंधी तंबाखू असा मुद्देमाल जप्त करण्यात आला. याप्रकरणी भारती विद्यापीठ पोलिसांनी तिघांविरुद्ध गुन्हा दाखल केला.
विवाह समारंभातून दागिने चोरीला – सविस्तर बातमी
सौरभ प्रकाश फडके (वय २७,रा. आसावरी कुंज अपार्टमेंट, नवले पुलाजवळ, वडगाव बुद्रुक ), प्रीतम अरुण कोयले (वय ३२, रा.. टेल्को काॅलनी, दत्तनगर, आंबेगाव, कात्रज), प्रतीक जयंत गोळे (वय ३४, रा. गुरुवार पेठ) यांच्याविरुद्ध गु्न्हा दाखल करण्यात आला आहे.
पोलिसांनी दिलेल्या माहितीनुसार, सिंहगड महाविद्यालयाच्या परिसरातील एका इमारतीतअ असलेल्या सदनिकेत हुक्का पार्लर चालविण्यात येत असल्याची माहिती पोलिसांना मिळाली. त्यानंतर पोलिसांच्या पथकाने तेथे छापा टाकला. या कारवाईत हुक्का पात्र, सुगंधी तंबाखू असा मुद्देमाल जप्त करण्यात आला. पोलीस उपायुक्त मिलिंद मोहिते, सहायक आयुक्त राहुल आवारे यांच्या मार्गदर्शनाखाली वरिष्ठ पोलीस निरीक्षक राहुल खिलारे, सहायक निरीक्षक गणेश माेहिते, उपनिरीक्षक नीलेश मोकाशी यांनी ही कारवाई केली. राज्य शासनाने कमला मिल दुर्घटनेनंतर हुक्का पार्लरवर बंदी घातली आहे. बंदी घातल्यानंतर काही जण छुप्या पद्धतीने हुक्का पार्लर चालवित असल्याचे आढळून आले आहे.
