लोणी काळभोर भागात घडली घटना
marathinews24.com
पुणे – विवाह समारंभातून २ लाख २० हजार रुपयांचे सोन्याचे दागिने चोरून नेल्याची घटना लोणी काळभोर भागात घडली. याप्रकरणी चोरट्यांविरुद्ध पोलिसांनी गुन्हा दाखल केला. गेल्या काही दिवसात विवाह समारंभातून दागिने चोरीला जाण्याच्या घटनांमध्ये वाढ झाली आहे. याबाबत एकाने लोणी काळभोर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, चोरट्यांविरुद्ध गुन्हा दाखल करण्यात आला आहे.
डेक्कनमध्ये मोटारीतून दागिने चोरीला – सविस्तर बातमी
पोलिसांनी दिलेल्या माहितीनुसार, तक्रारदार हवेली तालुक्यातील नायगाव परिसरात राहायला आहेत. १६ नोव्हेंबर रोजी लोणी काळभोरमधील कुंजीरवाडी भागात एका कार्यालयात तक्रारदाराच्या नातेवाईकांचा विवाह समारंभ होता. तक्रारदाराची पत्नी विवाह समारंभासाठी गेली होती. त्यांच्या पत्नीने पिशवीत दागिने ठेवले होते. त्यांचे लक्ष नसल्याची संधी साधून चोरट्यांनी दोन लाख २० हजार रुपयांचे सोन्याचे दागिने लांबविले. पोलीस हवालदार माने तपास करत आहेत.
