१८ लाखांची फसवणूक
marathinews24.com
पुणे – आधार कार्डचा गैरवापर करून तुमच्या नावाने दहशवाद्यांनी बँकखाते उघडले आहे. त्याद्वारे तब्बल ७० कोटींचा घोटाळा झाल्याची व्हिडिओ कॉलद्वारे बतावणी करीत सायबर चोरट्यांनी जेष्ठ नागरिकाला १८ लाखांचा गंडा घातला आहे. ही घटना ८ ते १५ एप्रिल २०२६ कालावधीत हडपसर परिसरातील काळेपडळमध्ये घडली आहे. याप्रकरणी ६४ वर्षीय नागरिकाने काळेपडळ पोलीस ठाण्यात फिर्याद दाखल केली आहे. त्यानुसार मोबाइलधारक, लिंकधारकाविरूद्ध गुन्हा दाखल करण्यात आला आहे.
पुण्यात मू्ल्यांकन चाचणीची प्रश्नपत्रिका सोशल मीडियावर व्हायरल – सविस्तर बातमी
पोलिसांनी दिलेल्या माहितीनुसार, तक्रारदार हे काळेपडळ परिसरात राहायला असून, ८ एप्रिलला सायबर चोरट्यांनी त्यांना व्हिडिओ कॉल केला. तुमचे आधारकार्ड वापरून दहशतवाद्यांनी बँकखाते उघडल्याची बतावणी केली. त्यातून तब्बल ७० कोटींचा गैरव्यवहार करण्यात आल्याचे सांगण्यात आले. त्यामध्ये तुम्हाला अटक करण्याचे वॉरंट काढण्यात आल्याचे सांगून सायबर चोरट्यांनी तक्रारदाराला १८ लाखांचा गंडा घातला आहे. याप्रकरणी पोलीस उपनिरीक्षक सुतार तपास करीत आहेत.
जेष्ठाची २५ लाखांची फसवणूक
कंपनीचा मेलआयडी असल्याचे भासवून सायबर चोरट्यांनी हडपसर परिसरातील ७२ वर्षीय जेष्ठाला तब्बल २५ लाख ४२ हजारांचा ऑनलाईन गंडा घातला आहे. ही घटना ६ एप्रिल २०२६ रोजी हडपसर परिसरात घडली आहे. याप्रकरणी वानवडी पोलीस ठाण्यात गुन्ह दाखल करण्यात आला आहे. वरिष्ठ पोलीस निरीक्षक भाउसाहेब पाटील तपास करीत आहेत.
