आरटीआय कार्यकर्ते विजय कुंभार यांची मागणी
marathinews24.com
पुणे – राज्यभरात गाजलेल्या नाशिकमधील भोंदू अशोक खरात याचा पुण्यातील सीए प्रकाश पोफळे याच्या आर्थिक व्यावहारांची एसआयटीमार्फत चौकशी करण्याची मागणी आरटीआय कार्यकर्ते विजय कुंभार यांनी केली आहे. यासंदंर्भात त्यांनी मुख्यमंत्री देवेंद्र फडणवीस यांना पत्र लिहले आहे. महिलांवरील अत्याचार प्रकरणात नाशिकच्या भोंदू अशोक खरातला अटक करण्यात आली आहे. याप्रकरणाचा तपास एसआयटीमार्फत सुरू आहे.
पुण्यात सायबर घोटाळ्याच्या नावाखाली १ कोटी ६२ लाखाचा गंडा – सविस्तर बातमी
भोंदू अशोक खरात प्रकरणात संबंधित व्यक्तींवर देखील आरोप होत आहेत. त्यात आता अशोक खरातचा पुण्यातील सीए प्रकाश पोफळे याच्यावर आरोप करण्यात आले आहेत. प्रकाश पोफळे याच्या आर्थिक व्यवहरासंदंर्भात चौकशी करण्याची मागणी करण्यात आली आहे. पुण्यातील आरटीआय कायकर्ते विजय कुंभार यांनी प्रकाश पोफळे याच्या कोरेगाव पार्क येथील सीटीएस ५७ येथील संशयास्पद जमीन व्यवहार, ट्रस्ट गैरव्यवहार, काळा पैसा व बेनामी गुंतवणूक याबाबत एसआयटी चौकशीची मागणी केली आहे. त्यांनी यासंदंर्भात काही प्रश्न उपस्थित केले असून, या जमीन व्यवहारात अनियमितता, कायदेशीर त्रुटी, आर्थिक गैरव्यवहार व काळा पैसा गुंतवला गेल्याचे म्हटले आहे.
