चांगला परतावा देण्याचे आमिष दाखवून सायबर चोरट्यांनी घातला गंडा
marathinews24.com
पुणे – गोल्ड फॉरेक्स ट्रेडींगमधील गुंतवणूक केल्यास चांगला परतावा देण्याचे आमिष दाखवून सायबर चोरट्यांनी महिलेला तब्बल १९ लाखांचा गंडा घातला आहे. ही घटना १६ फेबु्रवारी ते ९ मार्च २०२४ कालावधीत कोथरूडमध्ये घडली आहे. याप्रकरणी ५० वर्षीय महिलेने कोथरूड पोलीस ठाण्यात फिर्याद दाखल केली आहे. त्यानुसार मोबाइलधारक आरोपीविरूद्ध गुन्हा दाखल केला आहे.
एसटी प्रवासात साडेतीन लाखांचे दागिने चोरीला – सविस्तर बातमी
पोलिसांनी दिलेल्या माहितीनुसार, तक्रारदार महिला कोथरूडमध्ये राहायला असून, १६ फेबु्रवारी २०२४ रोजी सायबर चोरट्यांनी त्यांना संपर्क केला. गोल्ड फॉरेक्स ट्रेडींगमध्ये गुंतवणूक केल्यास चांगला परतावा मिळवून देतो, अशी बतावणी केली. त्यानंतर सायबर चोरट्याने महिलेचा विश्वास संपादित करून त्यांना गुंतवणूकीला भाग पाडले. अवघ्या एका महिन्यात १९ लाखांची गुंतवणूक करण्यास लावून त्यांची फसवणूक केली आहे. याप्रकरणी पोलीस निरीक्षक अनिल माने तपास करीत आहेत.
जेष्ठाला पावणेचार लाखांचा गंडा
ऑनलाईनरित्या नेटफ्लिकचे रिजार्च करण्यासाठी सायबर चोरट्याने जेष्ठाला लिंक पाठवून ओटीपी टाकण्यास भाग पाडले. त्यानंतर त्यांच्या बँकखात्यातून ३ लाख ७६ हजार रूपये वर्ग करून घेत फसवणूक केली आहे. ही घटना २० सप्टेंबर २०२५ रोजी हडपसरमध्ये घडली आहे. याप्रकरणी ६१ वर्षीय नागरिकाने हडपसर पोलीस ठाण्यात फिर्याद दाखल केली आहे. त्यानुसार मोबाइलधारक आरोपीविरूद्ध गुन्हा दाखल केला आहे. पोलीस निरीक्षक नीलेश जगदाळे तपास करीत आहेत.
