चांगला परतावा मिळवून देण्याच्या आमिषाने घातला गंडा
marathinews24.com
पुणे – शेअर मार्केटमध्ये गुंतवणूक केल्यास चांगला परतावा मिळवून देतो, अशी बतावणी करीत सायबर चोरट्यांनी आणखी एकाला तब्बल ८५ लाखांचा गंडा घातला आहे. ही घटना २६ सप्टेंबर २०२५ ते १० फेबु्रवारी २०२६ कालावधीत धनकवडीत घडली आहे. याप्रकरणी ५६ वर्षीय नागरिकाने सायबर पोलीस ठाण्यात फिर्याद दाखल केली आहे. दरम्यान, मागील काही महिन्यांत सायबर चोरट्यांनी जेष्ठ नागरिकांना टारगेट करीत कोट्यावधींचा गंडा घातल्याचे स्पष्ट झाले आहे..
फुरसुंगीत गोदाम फोडले, १० लाखांची केबल चोरीला – सविस्तर बातमी
पोलिसांनी दिलेल्या माहितीनुसार, तक्रारदार हे धनकवडीत राहायला असून, २६ सप्टेंबर सायबर चोरट्यांनी त्यांच्याशी व्हॉट्सअॅपद्वारे संपर्क साधला. शेअर मार्केटमध्ये गुंतवणूक केल्यास चांगला परतावा मिळवून देतो, अशी बतावणी केली. चांगला परतावा मिळण्याच्या अपेक्षेने तक्रारदाराने गुंतवणूकीला सुरूवात केली. तब्बल ८५ लाख रूपये गुंतवणूक केल्यानंतरही त्यांना परतावा मिळाला नाही. फसवणूक झाल्याचे लक्षात आल्यानंतर तक्रारदाराने पोलीस ठाण्यात धाव घेतली. याप्रकरणी पोलीस निरीक्षक स्वप्नाली शिंदे तपास करीत आहेत.
