ठेवीदारांनी सादर केलेल्या कागदपत्रांवर आधारित अंतिम यादी जाहीर
marathinew24.com
पुणे – ठेवीदारांची फसवणूक केल्याप्रकरणी बांधकाम व्यावसायिक डी. एस. कुलकर्णी गुन्हा दाखल करण्यात आला. याप्रकरणात आवश्यक ती कागदपत्रे सादर केलेल्या ठेवीदारांची अंतिम यादी पुणे पोलिसांच्या संकेतस्थळावर प्रसिद्ध करण्यात आली आहे.
ऊरळी कांचनमधील खून प्रकरणाचा छडा – सविस्तर बातमी
ठेवीदारांची फसवणूक केल्याप्रकरणी बांधकाम व्यावसायिक डी. एस. कुलकर्णी यांच्याविरुद्ध २०१७ मध्ये गुन्हा दाखल करण्यात आला होता. याप्रकरणाचा तपास पुणे पोलिसांच्या आर्थिक गुन्हे शाखेकडून करण्यात येत आहे. ‘याप्रकरणातील ठेवीदारांसाठी शिवाजीनगर पोलीस मुख्यालयात यापूर्वी शिबिराचे आयोजन करण्यात आले होते. या शिबिरात ठेवीदारांनी आवश्यक ती कागदपत्रे पोलिसांना दिली होती. ज्या ठेवीदारांनी पोलिसांना कागदपत्रे सादर केली. अशा ठेवीदारांची यादी आर्थिक गुन्हे शाखेकडून करण्यात आली आहे. ही यादी पुणे पोलिसांच्या संकेतस्थळावर (punepolice.gov.in) प्रसिद्ध करण्यात आली आहे. ठेवीदारांची वैयक्तिक माहिती ‘टेलिग्राम बीओटी’वर प्रसिद्ध करण्यात आली आहे’, अशी माहिती आर्थिक आणि सायबर गुन्हे शाखेच्या वरिष्ठ पोलीस निरीक्षक शुभदा संखे यांनी दिली.
