बाणेर पोलिसांनी केली अटक
marathinews24.com
पुणे – जुन्या भांडणाच्या वादातून दोघांना बेदम मारहाण करीत ७ हजारांची लुट करणार्याला बाणेर पोलिसांनी अटक केली आहे. ही घटना २१ एप्रिलला रात्री साडेदहाच्या सुमारास बालेवाडी परिसरात घडली आहे. तेजस सोमनाथ अंभोरे उर्फ प्रीतम (वय २४ रा. बिबवेवाडी ) असे अटक केलेल्याचे नाव आहे. याप्रकरणी १९ वर्षीय तरूणाने बाणेर पोलीस ठाण्यात फिर्याद दाखल केली आहे.
वाढदिवसाला गिफ्ट देण्याच्या बतावणीने महिलेला गंडा – सविस्तर बातमी
पोलिसांनी दिलेल्या माहितीनुसार, तक्रारदार तरूण आणि त्याचा मित्र आदिनाथ कनेवाड हे २१ एप्रिलला बालेवाडी परिसरात गप्पा मारत बसले होते. त्यावेळी जुन्या वादातून झालेल्या भांडणाचा वचपा काढण्यासाठी आरोपी तेजस त्याठिकाणी पोहचला. त्याने दोघांनाही लाथा-बुक्क्यांनी मारहाण करीत तक्रारदार तरूणाच्या खिशातील ७ हजारांची रोकड चोरून नेली. दोघांचे मोबाइलही आरोपीने चोरून नेले होते. याप्रकरणी गुन्हा दाखल होताच पोलिसांनी आरोपीच्या मुसक्या आवळल्या आहेत. पोलीस उपनिरीक्षक राजू जाधव तपास करीत आहेत.
