सिंहगड रोड पोलीस ठाण्यात गुन्हा दाखल
marathinews24.com
पुणे – मेट्रोमोनिअल साईटद्वारे झालेल्या ओळखीतून सायबर चोरट्याने महिलेला लग्न करण्याचे आश्वासन दिले. त्यानंतर त्यांना वाढदिवसाला परदेशातून गिफ्ट पाठवित असून, त्याची कस्टम ड्युटी भरण्याच्या नावाखाली तब्बल १७ लाख ५७ हजारांची ऑनलाईन फसवणूक केली आहे. ही घटना १० फेबु्रवारी ते २६ मार्च कालावधीत वडगावमध्ये घडली आहे. याप्रकरणी महिलेने सिंहगड रोड पोलीस ठाण्यात फिर्याद दाखल केली आहे. त्यानुसार मोबाइलधारकाविरूद्ध गुन्हा दाखल केला आहे.
नोकरानेच मारला डल्ला, ७ लाखांचा ऐवज चोरला – सविस्तर बातमी
पोलिसांनी दिलेल्या माहितीनुसार, तक्रारदार महिला वडगावमध्ये राहायला असून, १० फेबु्रवारीला सायबर चोरट्याने महिलेला फोन केला. मेट्रोमोनिअल प्लॅटफॉर्मवरून बोलत असल्याचे सांगून त्यांचा विश्वास संंपादित केला. त्यानंतर त्याने महिलेला लग्नाचे आमिष दाखवून स्वतःचे घर, कार असल्याचे सांगून लवकरच हॉस्पीटल सुरू करणार असल्याचे सांगितले. त्यानंतर त्याने महिलेला वाढदिवसानिमित्त गिफ्ट देणार असल्याची बतावणी केली. त्यासाठी कस्टम डयुटी भरावी लागेल, हे कारण देउन त्याने महिलेकडून १७ लाख ५७ हजार रूपये वर्ग करून घेतले. फसवणूक झाल्याचे लक्षात आल्यानंतर महिलेने पोलीस ठाण्यात धाव घेतली. याप्रकरणी वरिष्ठ पोलीस निरीक्षक विजय पाटणकर तपास करीत आहेत.
