आरोपीविरूद्ध गुन्हा दाखल
marathinews24.com
पुणे – लग्न झालेले असतानाही विवाहित महिलेला प्रेमाच्या जाळ्यात अडवून तिला त्रास दिला. त्यानंतर आरोपीच्या पत्नीसह इतरांनी संबंधित दाम्पत्याला शिवीगाळ करीत मारहाण केली. त्रासाला कंटाळून महिलेने गळफास घेउन आत्महत्या केल्याची घटना २८एप्रिलला बिबवेवाडीतील विघ्नहरनगरातील रणधीर हाउसमध्ये घडली आहे. याप्रकरणी दोघांना अटक करण्यात आली असून, इतर आरोपीविरूद्ध गुन्हा दाखल केला आहे.
पॉर्न व्हिडिओ का पाठवले, पुण्यात बतावणीने जेष्ठाला ३५ लाखांना गंडा – सविस्तर बातमी
मोनाली गौरव धुर्डे (वय ३४ रा. रणधीर हाउस बिबवेवाडी )असे आत्महत्या केलेल्या महिलेचे नाव आहे. याप्रकरणी सचिन मोहन जुन्नरकर (वय ३८) आणि अश्विनी सचिन जुन्नरकर (वय ३३ दोघेही रा. ढमाले कॉम्लेक्स, सुखसाखरनगर, बिबवेवाडी )अशी अटक केलेल्यांची नावे आहेत.
पोलिसांनी दिलेल्या माहितीनुसार, मोनाली धुर्डे ही कुटूंबियासह बिवेवाडीतील विघ्नहरनगरात राहायला होती. त्यावेळी आरोपी सचिन जुन्नरकर याने तिला प्रे्रमाच्या जाळ्यात ओढले. त्यानंतर काही दिवसांनी तिला त्रास देण्यास सुरूवात केली. दरम्यान, याप्रकरणाची माहिती आरोपीची पत्नी अश्विनीला समजल्यानंतर तिने इतर आरोपींच्या मदतीने मोनालीचे घर गाठले. आरोपींनी मोनालीसह तिचा पती गौरवला शिवीगाळ करीत मारहाण केली. त्यानंतर मोनालीच्या डोक्यात कठीण वस्तूने मारहाण करीत जखमी केले. आरोपींनी धुर्डे दाम्पत्याला अपमानित केल्याचा राग मोनालीला सहन झाला नाही. त्यामुळे तिने २८ एप्रिलला राहत्या घरी गळफास घेउन आत्महत्या केली. गौरव धुर्डे यांच्या फिर्यादीनुसार आरोपींविरूद्ध गुन्हा दाखल करण्यात आला आहे. याप्रकरणी पोलीस उपनिरीक्षक भारत वाघ तपास करीत आहेत.
