भारती विद्यापीठ पोलीस ठाण्यात गुन्हा दाखल
marathinews24.com
पुणे – भांडणात मध्यस्थी केल्याच्या रागातून टोळक्याने तरूणावर हत्याराने वार करून गंभीररित्या जखमी केले आहे. ही घटना ३० मार्चला मध्यरात्री अडीच वाजण्याच्या सुमारास सिंहगड कॅम्पसमधील लॉ कॉलेज पार्विंâगमध्ये घडली आहे. याप्रकरणी रोहित सुरेश देशमुख (वय ३०, रा. आंबेगाव पठार) यांनी भारती विद्यापीठ पोलीस ठाण्यात फिर्याद दाखल केली आहे. त्यानुसार पोलिसांनी एका अल्पवयीनाला ताब्यात घेतले असून, इतर आरोपींचा शोध घेतला जात आहे.
शेअर ट्रेडींगच्या टीप्स पडल्या दीड कोटींना – सविस्तर बातमी
पोलिसांनी दिलेल्या माहितीनुसार, तक्रारदाराचे मित्र नीरज आणि आरोपी यांच्यात वाद सुरू होते. त्यांच्यात भांडण सुरू झाल्यानंतर देशमुख यांनी मध्यस्थी करण्याचा प्रयत्न केला. त्यावेळी आरोपीने त्यांच्या कानशिलात लगावली. त्यानंतर पुन्हा वाद वाढल्यानंतर आरोपींनी इतरांना बोलावून घेतले. देशमुख यांच्यावर खुनी हल्ला करीत त्यांना जखमी केले. त्यानंतर टोळके पसार झाले. याप्रकरणी भारती विद्यापीठ पोलिसांनी गुन्हा दाखल करीत आरोपींचा शोध घेतला जात आहे. पोलीस उपनिरीक्षक प्रियंका निकम तपास करीत आहेत.
