पर्वती पोलिसांकडून एकाविरुद्ध गुन्हा
marathinews24.com
पुणे – मतिमंद महिलेवर बलात्कार करण्यात आल्याची धक्कादायक घटना उघडकीस आली आहे. याप्रकरणी पर्वती पोलिसांकडून एकाविरुद्ध गुन्हा दाखल करण्यात आला. याबाबत पीडित महिलेच्या वहिनीने पर्वती पोलीस ठाण्यात फिर्याद दिली आहे. तिने दिलेल्या फिर्यादीनुसार, आरोपी धीरज लोंढे (वय ३५, रा. साने गुरुजी शाळेजवळ, पर्वती पायथा, सिंहगड रस्ता) याच्याविरुद्ध गुन्हा दाखल करण्यात आला आहे.
सोशल मीडियावर ओळखीतून महिलेवर बलात्कार – सविस्तर बातमी
पोलिसांनी दिलेल्या माहितीनुसार, पीडित ३५ वर्षीय महिला मतिमंद आहे. ती शारिरिक आणि मानसिकदृष्ट्या सक्षम नसल्याची माहिती आरोपीला होती. मंगळवारी (१४ एप्रिल) सायंकाळी पाचच्या सुमारास आरोपीने महिलेला घरात धमकावून नेले. त्याने तिच्यावर बलात्कार केला. महिलेने त्याला विरोध करण्याचा प्रयत्न केला. तेव्हा त्याने तिला मारण्याची धमकी दिली, असे फिर्यादीत म्हटले आहे. या घटनेची माहिती मिळताच पोलीस उपायुक्त मिलिंद माेहिते यांनी घटनास्थळी भेट दिली. पोलीस उपनिरीक्षक पाटील तपास करत आहेत.
