डोंगरात निर्जनस्थळी केला अत्याचार
marathinews24.com
बीड (अनंत जाधव) – खाजगी शिकवणुकीचा जात असलेल्या अल्पवयीन मुलीला कार मधून नेऊन तिच्यावर तिच्यावर बळजबरीने अत्याचार केल्याची घटना केज तालुक्यात घडली आहे. केज तालुक्यातील गावात राहत असलेली साडे पंधरा वर्ष वयाची अल्पवयीन मुलीची धीरज सांजुरे याच्याशी ओळख झाली. ओळखीचा नराधमाने गैरफायदा घेत सांजुरेने दि. ६ जानेवारीला अल्पवयीन मुलीला फिरायला जाण्याचे आमिष दाखविले.
पैसासाठी महिलेचा छळ; बाळासह घराबाहेर काढत लाथा बुक्क्यानी केली मारहाण – सविस्तर बातमी
आरोपीने दि. ७ जानेवारी २०२६ रोजी सकाळी अल्पवयीन मुलगी केज येथे ट्युशनला जाण्यासाठी केज येथे गेली असता, धीरज सांजुरे याने तिला कारमधून नेले. केज येथून त्याने तिला धारूर तालुक्यातील अंबाचोंडी येथील डोंगरात घेऊन गेला. निर्जनस्थळी कोणी नसल्याचा गैरफायदा घेत त्याने अल्पवयीन मुलीच्या इच्छेविरुद्ध बळजबरीने तिच्यावर अत्याचार केला. त्यानंतर पीडित अल्पवयीन मुलीने ही माहिती तिच्या पालकांना दिल्यानंतर पीडित मुलीसह केज पोलिस ठाणे गाठून घटनेची माहिती पोलिस अधिकाऱ्यांना दिली. याप्रकरणी केज पोलिसात गुन्हा दाखल केला आहे.
