पुणे-सोलापूर रस्त्यावर अपघात
marathinews24.com
पुणे – भरधाव रिक्षाच्या धडकेत पादचारी तरुणाचा मृत्यू झाल्याची घटना पुणे-सोलापूर महामार्गावर लाेणी काळभोर परिसरात घडली. याप्रकरणी रिक्षाचालकाविरुद्ध पोलिसानी गुन्हा दाकल केला. नारायण शाहूराज सूर्यवंशी (वय ३६) असे मृत्युमुखी पडलेल्या पादचाऱ्याचे नाव आहे. याबाबत किरण रमेश कात्रे (वय ३३ ,रा. साईश्रद्धा पार्क, गोपाळपट्टी, मांजरी, हडपसर ) यांनी लोणी काळभोर पोलीस ठाण्यात फिर्याद दिली आहे. त्यांंनी दिलेल्या फिर्यादीनुसार, रिक्षाचालकाविरुद्ध गुन्हा दाखल करण्यात आला आहे.
गुंड सोमनाथ गायकवाड टोळीही आंदेकर टोळीच्या रडारवर – सविस्तर बातमी
पोलिसांनी दिलेल्या माहितीनुसार, कात्रे यांचा आतेभाऊ नारायण सूर्यवंशी हे शुक्रवारी (१२ सप्टेंबर) पहाटे सव्वापाचच्या सुमारास पुणे-सोलापूर महामार्गावरील शेवाळवाडी परिसरातून निघाले होते. त्यावेळी पाठीामगून भरधाव रिक्षाने त्यांना धडक दिली. अपघातात ते गंभीर जखमी झाले. अपघातानंतर घटनास्थळी न थांबता रिक्षाचालक पसार झाला. सूर्यवंशी यांना उपचारसाठी रुग्णालयात दाखल केले. उपचारांदरम्यान त्यांचा मृत्यू झाला. अपघातानंतर पसार झालेल्या रिक्षाचालकाचा शोध घेण्यात येत असून, पोलीस उपनिरीक्षक बिनवडे तपास करत आहेत.
शहरात गेल्या दोन दिवसात वेगेवेगळ्या अपघातात तिघांचा मृत्यू झाला आहे. लोहगावमधील हवाई दलाच्याा वसाहतीत मोटारीच्या धडकेत घरासमोर खेळणाऱ्या दोन वर्षांच्या बालकाचा मृत्यू झाला. छत्रपती शिवाजी महाराज रस्त्यावरील राष्टभूषण चौकात भरधाव वाहनाच्या धडकेत दुचाकीस्वार तरुणाचा मृत्यू झाल्याची घटना घडली. त्यानंतर सोलापूर रस्त्यावर रिक्षाच्या धडकेत एका पादचाऱ्याचा मृत्यू झाला.
