पुणे सोलापूर रस्त्यावरील लोणी काळभोर भागात घडली घटना
marathinews24.com
पुणे – भरधाव दुचाकीच्या धडकेत पादचाऱ्याचा मृत्यू झाल्याची घटना पुणे सोलापूर रस्त्यावरील लोणी काळभोर भागात घडली. अपघातानंतर पसार झालेल्या दुचाकीस्वाराविरुद्ध पोलिसांनी गुन्हा दाखल केला. राजेंद्र सोपान काळभोर (वय ५२, रा. सिद्राम मळा, रामदरा रस्ता, लोणी काळभोर) असे मृत्युमुखी पडलेल्या पादचाऱ्याचे नाव आहे. काळभोर यांचा मुलगा अक्षय (वय ३२) यांनी लोणी काळभोर पोलीस ठाण्यात फिर्याद दिली आहे.
काँग्रेसचे प्रदेशाध्यक्ष हर्षवर्धन सपकाळ यांच्याविरुद्ध गुन्हा – सविस्तर बातमी
पोलिसांनी दिलेल्या माहितीनुसार, राजेंद्र काळभोर हे १३ फेब्रुवारी रोजी सकाळी साडेआठच्या सुमारास पुणे-सोलापूर रस्त्यावरील कुंजीरवाडी येथून निघाले होते. त्या वेळी रस्ता ओलांडणाऱ्या काळभोर यांना भरधाव दुचाकीने धडक दिली. अघघातानंतर घटनास्थळी न थांबता दुचाकीस्वार भरधाव वेगात पसार झाला. अपघाताची माहिती मिळताच पोलिसांनी घटनास्थळी भेट दिली. गंभीर जखमी झालेल्या काळभोर यांना तातडीने खासगी रुग्णालयात दाखल करण्यात आले. उपचारांपूर्वीच त्यांचा मृत्यू झाला. पसार झालेल्या दुचाकीस्वाराचा शोध घेण्यात येत असून, पोलीस उपनिरीक्षक बिराजदार तपास करत आहेत.
