पौड रस्त्यावर घडला अपघात
marathinews24.com
पुणे – भरधाव बस चालकाने दिलेल्या धडकेत तरूण पादचारी ठार झाला आहे. हा अपघात १९ नोव्हेंबरला सकाळी पावणेसातच्या सुमारास पौड रस्ता परिसरातील आनंदनगर चौकात घडला आहे. याप्रकरणी अनोळखी बसचालकाविरूद्ध कोथरूड पोलीस ठाण्यात गुन्हा दाखल करण्यात आला आहे.
जादा परताव्याचे आमिष दाखवून २२ लाखांचा गंडा – सविस्तर बातमी
आकाश दत्तात्रय गोरडे (वय २० रा. एकमत सोसायटी, किष्कींदानगर, कोथरूड) असे ठार झालेल्या तरूणाचे नाव आहे. सुजीत गोरडे (वय २८ रा. पौड रोड) यांनी कोथरूड पोलीस ठाण्यात फिर्याद दाखल केली आहे. त्यानुसार पोलिसांनी गुन्हा दाखल केला आहे.
पोलिसांनी दिलेल्या माहितीनुसार, आकाश गोरडे हा कोथरूडमधील किष्कींदानगरात राहायला होता. १९ नोव्हेंबरला सकाळी पावणेसातच्या सुमारास तो आनंदनगर चौकातून पायी रस्ता ओलांडत होता. त्यावेळी वाहतूकीचे नियम तोडून भरधाव बस चालकाने आकाशला धडक दिली. त्यामुळे गंभीररित्या जखमी झाल्यामुळे त्याचा मृत्यू झाला. याप्रकरणी पोलीस उपनिरीक्षक करिश्मा शेख तपास करीत आहेत.
