येरवड्यातील लक्ष्मीनगर परिसरात दहशत माजवून गाड्यांची केली होती तोडफोड
marathinews24.com
पुणे – शहरातील येरवड्यातील लक्ष्मीनगर परिसरात दहशत माजवून गाड्यांची तोडफोड करणाऱ्या सराईत गुंडाची शुक्रवारी (दि. २७) धिंड काढण्यात आली. या गुंडाला जेरबंद केल्याने स्थानिक नागरिकांनी सुटकेचा निश्वास टाकला आहे. सुलतान रिजवान शेख (वय २०, रा. लक्ष्मीनगर, येरवडा) हे या गुंडाचे नाव आहे. तपासासाठी त्याला पोलीस कोठडीत ठेवण्याचा आदेश न्यायालयाने दिला आहे.
बनावट ओैषधाची विक्री प्रकरण; पुणे, मुंबई, नागपूरमधील वितरकांविरुद्ध गुन्हा – सविस्तर बातमी
आरोपी शेख याच्याविरुद्ध यापूर्वी २२ गुन्हे दाखल आहेत. परिसरात दहशत माजवण्यासाठी त्याने लक्ष्मीनगरमधील वाहनांची तोडफोड केली होती. त्यानंतर तो पसार झाला होता. त्याच्या नेमक्या ठावठिकाण्याची माहिती लक्ष्मीनगर पोलीस ठाण्याचे वरिष्ठ निरीक्षक बाळकृष्ण कदम यांना मिळाली. त्यानुसार, पोलिसांच्या पथकाने त्याच्या मुसक्या आवळल्या. सुलतानने वाहने फोडण्याचे अनेक गुन्हे केले असल्याची माहिती तपासात पुढे आली आहे. त्याच्या दहशतीमुळे स्थानिक रहिवासी त्याच्याविरुद्ध तक्रार देण्यास धजावत नव्हते. पोलिसांनी शुक्रवारी त्याची लक्ष्मीनगर परिसरातून धिंड काढली. तसेच, त्याच्याविरुद्ध नागरिकांनी निर्भीडपणे तक्रार द्यावी असे आवाहन पोलिसांनी केले.
