उडी मारल्याने दोघेही जखमी
marathinews24.com
पुणे – पोलिसांचे पथक स्पावर छापा टाकण्यासाठी गेल्यानंतर मॅनेजरसह मुलीने दुसऱ्या मजल्यावरून उडी मारून पळून जाण्याचा प्रयत्न केला. मात्र, उडी मारल्याने दोघेही जखमी झाले असून, या घटनेत मुलगी गंभीररित्या जखमी झाल्याची माहिती वरिष्ठ अधिकाऱ्यांनी दिली.
येरवड्यात भीषण आगीत ५० गाड्या जळल्या – सविस्तर बातमी
हुसेन रेहमान शेख (वय ३९) असे जखमी झालेल्या मॅनेजरचे नाव आहे. तर, २७ वर्षीय तरुणी गंभीर जखमी झाली असून, या दोघांवर रुग्णालयात उपचार सुरू आहेत. याप्रकरणी विमानतळ पोलिस ठाण्यात घटनेची नोंद करण्याचे काम रात्री उशिरापर्यंत सुरू होते.
पोलिसांनी दिलेल्या माहितीनुसार, विमानतळ भागात ‘द रूट’ नावाने स्पा चालविले जात होते. त्याठिकाणी काही गैरप्रकार सुरू असल्याची माहिती पोलिसांना मिळाली. त्यानूसार विमानतळ ठाण्याचे पथक त्याठिकाणी छापा टाकण्यासाठी सोमवारी (दि.२३) सायंकाळच्या सुमारास गेले होते. पण, पोलीस आल्याची माहिती समजताच मॅनेजर हुसेन आणि मुलीने दुसऱ्या मजल्याच्या खिडकीतूनच खाली उडी मारली. ते पळून जाण्याच्या प्रयत्नात होते. मात्र, उडी मारल्याने दोघेही जखमी झाले. पोलिसांनी त्यांना रुग्णालयात दाखल केले. यामध्ये तरुणी गंभीररित्या जखमी झाल्याची माहिती असून, त्यांच्यावर रुग्णालयात उपचार सुरू आहेत. अधिक तपास विमानतळ पोलिस करत आहेत.
