पुण्यातील गणेश कला क्रीडा मंच येथील घटना
marathinews24.com
पुणे – जिल्हा परिषदेच्या स्मार्ट स्कूल कार्यक्रमांमध्ये प्रहार संघटनेच्या कार्यकर्त्यांकडून प्रचंड गोंधळ घालण्यात आला. उपमुख्यमंत्री अजित पवार यांचे भाषण सुरुवातीला रोखले होते. याबाबत समिती नेमली असल्याबद्दल आंदोलकांना त्यांनी सांगितले. दहा मिनिटांच्या गोंधळानंतर प्रहारच्या कार्यकर्त्यांना गणेश कला क्रीडा रंग मंच मधून पोलिसांनी ओढून बाहेर नेले.
पुणे विभागातील कोविड-19 परिस्थितीचा उपमुख्यमंत्री अजित पवार यांच्याकडून आढावा – सविस्तर बातमी
पुणे जिल्हा परिषदेच्या वतीने शिक्षण क्षेत्रात क्रांती घडवून आणणाऱ्या ‘पुणे मॉडेल स्कूल’ उपक्रमाचा उपमुख्यमंत्री आणि पुणे जिल्ह्याचे पालकमंत्री अजित पवार यांच्या हस्ते शुभारंभ करण्यात आला. त्यावेळी उपसभापती नीलम गोऱ्हे,शालेय शिक्षण मंत्री दादा भुसे हे उपस्थित होते.त्यावेळी अजित पवार यांच्या भाषणावेळी प्रहार संघटनेच्या पदाधिकाऱ्यांनी बच्चू कडू हे आठवड्याभरापासून उपोषणाला बसले आहेत. त्यावर सरकार काय भूमिका घेणार, तुम्ही दिलेला शब्द पाळणार का, असा जाब विचारला. त्यानंतर सर्व आंदोलनकर्त्यांना बाहेर काढत, पोलिसांनी सर्वांना ताब्यात घेतले.
